Фото: U.S. Navy / Wikimedia

Канада Хитойга қарши туриш ва халқаро сувларга даъво қилиш учун Тайван бўғозига кўпроқ ҳарбий кемалар юборишга қарор қилди. Бу ҳақда ушбу мамлакат ташқи ишлар вазири Мелани Жолига таяниб, «Independent» нашри ёзмоқда.

«Биз Тайван бўғози муаммоси аниқ эканлигига ва у халқаро бўғоз бўлиб қолишига ишонч ҳосил қилишимиз керак», деди у Бухарестдаги НАТО ташқи ишлар вазирларининг йиғилишида.

Жолининг таъкидлашича, Оттава қоидаларга асосланган халқаро тартибни қўллашда давом этади, чунки у Тайванни материк Хитойдан ажратиб турадиган деярли 200 километрлик сувни қамраб олади.

Хитой Тайванни ўз ҳудудининг бир қисми деб билади, гарчи орол фуқаролар урушидан кейин 1949 йилда материкдан ажралиб чиққандан бери ўзини ўзи бошқаради. Пекин ҳам бўғозни халқаро сув сифатида тан олмайди.

Жорий йилнинг август ойида Тайван Мудофаа вазирлиги Хитойни можарони тинч йўл билан ҳал қилишни истамаганликда айблаган эди. Вазирликнинг таъкидлашича, Хитой халқ озодлик армиясининг Тайван атрофида ўтказаётган ҳарбий машқлари Пекиннинг муаммоларни куч билан ҳал қилиш ниятидан далолат беради.