Абдусатторов FIDE Freestyle жаҳон чемпионатида 3-ўринни эгаллади
Кеча, 15 февраль куни FIDE Freestyle бўйича Жаҳон Чемпионати-2026 финал баҳслари ўтказилди.
Ҳамюртимиз Нодирбек Абдусатторов 3-ўрин учун германиялик Винсент Кеймер билан баҳс олиб борди. Якунда Абдусатторов 2,5-1,5 ҳисобида рақибидан устун келиб, мусобақанинг бронза медали ҳамда 40 000 АҚШ доллари миқдоридаги мукофот соҳибига айланди.
Аҳамиятли жиҳати шундаки, Нодирбек 3-ўринни эгаллаш орқали 2027 йилги Freestyle жаҳон чемпионатида иштирок этиш имкониятига ҳам эга бўлди.
Шунингдек, мусобақанинг 7-ўрни учун курашда яна бир юртдошимиз Жавоҳир Синдаров АҚШ миллий жамоаси шарафини ҳимоя қилувчи Левон Аронянга қарши дона сурди. Синдаров армагедон баҳсида рақибига мағлуб бўлиб, турнирни 8-ўринда якунлаган ҳолда 10 000 АҚШ доллари миқдоридаги мукофотга эга чиққан.
Маълумот учун, FIDE Freestyle бўйича Жаҳон Чемпионати-2026 мусобақасида биринчи ўрин норвегиялик Магнус Карлсенга, иккинчи ўрин эса яна бир АҚШ вакили Фабиано Каруанага насиб этган.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Марказий Осиёнинг интеллектуал меросини улуғлашда янги босқич Тошкентда бошланмоқда — The Washington Post
- Тошкентда қиличбозликнинг сабля йўналиши бўйича Жаҳон кубоги босқичи старт олди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг