Наманганда инспектор ва тадбиркор тил бириктириб, 117 млн сўмлик электрни талон-торож қилди
Фото: Бош прокуратура
Наманган вилоятида тадбиркор ва инспектор тил бириктириб, 116,9 млн сўмлик электр энергиясини талон-торож қилди. Бу ҳақда Бош прокуратура хабар берди.
Маълум қилинишича, Чуст туманидаги якка тартибдаги тадбиркор С.Ш. ва туман электр таъминоти инспектори Ю.М. билан тил бириктириб, ўзига қарашли экин ер майдонига ўрнатилган сув насосини электр тармоғига ҳисоблагичсиз, шартнома тузмасдан, тижорат мақсадида ўзбошимчалик билан улаб, 116,9 млн. сўмлик 43,2 минг кВт. соат электр энергиясини талон-торож қилган.
Мазкур ҳолат юзасидан С.Ш.га нисбатан Жиноят кодексининг 169-моддаси 2-қисми «д» банди ҳамда электр таъминоти инспектори Й.М.га нисбатан Жиноят кодексининг 169-моддаси 2-қисми «е» банди билан жиноят иши қўзғатилиб, гумонланувчи шахслар процессуал тартибда ушланган.
«Ёқилғи-энергия ресурсларидан ноқонуний фойдаланиш билан боғлиқ ҳолатларни фош этишга қаратилган назорат тадбирлари давом этмоқда», дея эслатган Бош прокуратура.
Тавсия этамиз
Кўп ўқилганлар
- 21 октябрь – Ўзбек тили байрами куни
- Самарқандда ЮНЕСКОнинг 43-сессиясига тайёргарлик авжида
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Ҳудудларда 34 та юқори технологияли саноат лойиҳалари амалга оширилади
- Хорижий тилларни ўрганмоқчи бўлган ёшларга «2+6» дастурига мувофиқ субсидия ажратилади
- Туркий халқларнинг маънавий яловбардори
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг