JSST: Koronavirus endi yangi alomatlar bilan namoyon boʻlmoqda

14:33 18 Iyul 2022 Dunyo
815 0

Foto: Illustrativ foto

Pandemiya mavzusi keyingi haftalarda yana kun tartibida. Chunki koronavirus mutatsiyaga uchrashda davom etyapti. Oqibatda dunyo boʻylab «omikron»ning BA.4, BA.5, BA.2.12.1 versiyalari keng tarqalmoqda.

Hatto oʻtgan oyda Hindistonda aniqlangan BA.2.75 subvarianti qisqa muddatda oʻnga yaqin davlatlarga kirib bordi. Albatta, bularning barchasi jahonda COVID-19ni yuqtirganlar soni kun sayin oshishiga turtki boʻlyapti.

Ana shunday murakkab epidemiologik vaziyatda dunyo olimlari xastalikni jilovlash uchun yangi tadqiqotlar olib bormoqda.

Maʼlum boʻlishicha, endi isitma yoki hid va taʼm bilish qobiliyatining yoʻqolishi koronavirus infeksiyasiga xos asosiy belgilar emas!

Jahon sogʻliqni saqlash tashkiloti maxsus vakili Devid Nabarro bu haqda toʻxtalar ekan, ayni paytda tomoq va bosh ogʻrigʻi hamda burun bitishi yangi mutatsiyalarning yetakchi alomatlari sifatida namoyon boʻlayotganini qayd etdi.

“Hozir SOVID-19 juda «aqlli” virusga aylanmoqda, — deydi u. — Shu sababli unda inson immunitetiga “chap berish” xususiyati rivojlanyapti. Bu esa kasallanishlar soni ortishiga xizmat qilyapti».

Shunga qaramay, mutaxassislar koronavirusga qarshi vaksinalar yangi mutatsiyalarning bemorlarda yengil va asoratsiz oʻtishini taʼminlaydi, degan fikrda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?