Joriy yil yakuniga qadar 100 mingdan ziyod yuqori sinf oʻqituvchilarining yangi metodikalar boʻyicha malakasi oshiriladi

18:11 04 Mart 2024 Jamiyat
152 0

Bu haqda AOKAda oʻtkazilgan brifingda Taʼlimni rivojlantirish respublika ilmiy-metodik markazi boʻlim boshligʻi Shavkat Xoʻjaqulov maʼlum qildi.

Taʼlimni rivojlantirish respublika ilmiy-metodik markazi tashabbusi bilan joriy yilning yanvar oyidan boshlab umumiy oʻrta taʼlim tashkilotlari pedagoglari uchun metodik marafonlar oʻtkazish yoʻlga qoʻyildi.

4-10-yanvar kunlari oʻtkazilgan dastlabki marafonda hududlardan jami 15 000 nafarga yaqin pedagog ishtirok etdi.

Marafon davomida markaz mutaxassislari va trener oʻqituvchilar tomonidan matematik, tabiiy-ilmiy, oʻqish savodxonligi kabi yoʻnalishlar boʻyicha 30 tadan ortiq vebinar oʻtib berildi.

Shu jumladan, bu kabi marafonlar 26-yanvar kuni qoraqalpogʻistonlik oʻqituvchilar uchun qoraqalpoq tilida ham tashkil etildi.

Navbatdagi metodik marafonlar bahorgi taʼtil vaqtlarida tashkil etilishi rejalashtirilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер