Foto: Reuters

AQSH prezidenti Jo Bayden AQSHning Isroilni qoʻllab-quvvatlayotganini dunyo koʻrishi uchun Isroilga kelgan.

“Men oddiy sabab bilan keldim: Isroil xalqi, butun dunyo Amerika Qoʻshma Shtatlar Isroilni qoʻllab-quvvatlayotganini koʻrishi uchun”, degan u jurnalistlarga.

Amerika yetakchisi, shuningdek, AQSH Isroilga zarur boʻlgan barcha yordamni taʼminlashini aytdi.

Bayden oila aʼzolari HAMAS jangarilari qoʻlida asirda boʻlgan amerikaliklar bilan uchrashishni rejalashtirmoqda. Prezident jamoasi, shuningdek, oʻzini va erini garovda ushlab turgan besh qurolli shaxsni maxsus kuchlar guruhi yetib kelguniga qadar 19 soat davomida ovqatlantirib, ular bilan gaplashib, chalgʻitib turgan ayol Reychel Ederi bilan uchrashishni soʻragan.

Bir kun oldin AQSH prezidentining oldingi guruhi Gʻazo sektoridagi chegaradosh aholi punktlariga tashrif buyurgani maʼlum boʻldi. Guruh Davlat departamenti va AQSH elchixonasining zirhli mashinalari bilan kirib kelgan.

Avvalroq, Bayden Kongressdan Isroil va Ukrainaga 2 milliard dollardan ortiq harbiy yordam soʻrash niyatida ekanligini maʼlum qilgan edi.