Jizzaxda “Jiguli”ni ikkita daraxt bosib qoldi
Videodan kadr
Jizzax viloyati Favqulodda vaziyatlar boshqarmasi Gʻallaorol tumanida transport vositasi ustiga daraxt qulab tushishi bilan bogʻliq holat yuzasidan maʼlumot berdi.
Bildirilishicha, hodisa kecha, 22-yanvar kuni Gʻallaorol tumani “Gʻofur Gʻulom” mahalla fuqarolar yigʻini hududidan oʻtgan Mustaqillik koʻchasida yuz bergan. Yoʻl chetida toʻxtab turgan “VAZ 2107” rusumli transport vositasi ustiga ikki tup daraxt qulab tushgan.
Qayd etilishicha, holat sodir boʻlgan vaqtda transport vositasi ichida hech kim boʻlmagan va fuqarolarga zarar yetmagan.
Ayni kunlarda respublikada kuzatilayotgan yogʻingarchiliklar kuchli namgarchilikka olib kelmoqda. Bu esa daraxtlar ildiz qismini tutib turuvchi tuproqni yumshatib yiqilish xavfi darajasini oshirmoqda. Shu bois fuqarolardan yoʻllarda harakatlanish vaqtida ehtiyotkorroq boʻlish va avtomashinalarini imkon qadar daraxtlar ostida qoldirmaslik talab etiladi.
Tavsiya etamiz
Ko‘p o‘qilganlar
- Abduqodir Husanov yana bir bor “Real Madrid”ga qarshi oʻynaydi
- Bolalar saratoniga qarshi kurash: xalqaro hamkorlikdagi muhim qadam
- Oʻzbekistonning 7 ta moddiy va nomoddiy madaniy meros obyektlari AYSESKO roʻyxatiga kiritildi
- Superliganing 2026-yilgi mavsumi boshlanmoqda
- Har burchagida tarix yashiringan shahar — Londondan fotoreportaj
- “Real Madrid” magʻlubiyatga uchradi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring