Foto: AFP

Rossiya boshqariladigan bomba orqali Ukrainaning ikkinchi yirik shahri Xarkovdagi koʻp qavatli uyga zarba berishi oqibatida kamida bir kishi halok boʻlib, 42 kishi yaralangan. Xarkov meri Igor Terexovning aytishicha, jarohatlanganlar orasida 3 nafar bola ham bor.

Shuningdek, Rossiya qoʻshinlari bir necha oydan beri olgʻa siljib kelayotgan Pokrovskni oʻqqa tutganidan keyin bir kishi halok boʻlgan. Rus qoʻshinlarining soʻnggi ikki haftadagi zarbalari strategik ahamiyatga ega boʻlgan koʻplab shaharlarning aholisini suv va elektr energiyasi taʼminotidan uzib qoʻydi.

Ukraina prezidenti Vladimir Zelenskiy AQSHning “CNN” telekanaliga bergan intervyusida Ukraina kuchlari Gʻarb qurollari juda sekin yetib kelayotgani sababli katta yoʻqotishlarga duchor boʻlayotganini aytdi. Unga koʻra, sharqdagi vaziyat juda ogʻir va u yerda jang qilayotgan Ukraina brigadalarining yarmi toʻliq jihozlanmagan.

Ukraina Harbiy havo kuchlari havo hujumidan mudofaa boʻlinmalari Rossiya yakshanbaga oʻtar kechasi uchirilgan 14 ta drondan 10 tasini yoʻq qilganini maʼlum qildi. Shuningdek, Kreml Odessa janubini nishonga olgan ikkita “Iskander M” ballistik raketasi va bitta “Kh-59” boshqariladigan havo raketasini uchirgani ham aytilgan. Boshqariladigan havo raketasi yoʻq qilinganini bayon qilgan harbiy havo kuchlari. “Iskandar” raketalariga nima boʻlganligi va hujum natijasida biror zarar koʻrgan-koʻrmaganligi haqida maʼlumot berilmagan.

Zelenskiyning soʻzlariga koʻra, Rossiya oʻtgan hafta davomida Ukrainaga qarshi 30 ga yaqin turli turdagi raketalar, 800 dan ortiq boshqariladigan havo bombalari va 300 ga yaqin dronlardan foydalangan.

Rossiya Mudofaa vazirligi havo hujumidan mudofaa boʻlinmalari Rossiyaning yetti viloyatini nishonga olgan 29 ta Ukraina dronlarini yoʻq qilganini maʼlum qildi. Dronlardan 15 tasi Ukraina bilan chegaradosh Bryansk viloyatida urib tushirilgan.

Siyosat va diplomatiya

AQSH Milliy xavfsizlik boʻyicha maslahatchisi Jeyk Sallivan prezident Jo Bayden oʻz vakolatining qolgan muddatidan Ukrainani Rossiyaga qarshi gʻalaba qozonish uchun eng yaxshi holatga keltirish uchun foydalanishini maʼlum qildi.

Xarkovga qilingan hujumdan soʻng, Zelenskiy yana Ukrainaning Gʻarbdagi ittifoqchilarini Rossiya ichidagi harbiy nishonlarga, xususan, havo bazalariga hujum qilishga ruxsat berishga chaqirdi. “Terrorga qarshi yechim faqatgina tizim asosida boʻlishi mumkin. Rossiya harbiy aviatsiyasini u joylashgan joyda yoʻq qilish uchun uzoq masofali qurol yechim boʻla oladi”, dedi Zelenskiy oʻzining navbatdagi murojaatida.

Buyuk Britaniya tashqi ishlar vaziri Devid Lemmi Rossiya prezidenti Vladimir Putinni Ukrainaga Rossiya ichkarisida uzoq masofaga uchuvchi qurollardan foydalanishga ruxsat berish NATOni Moskva bilan urush holatiga olib kelishi haqidagi ogohlantirishi uchun qoʻpollikda aybladi.

Ukraina razvedka boshqarmasi boshligʻining aytishicha, Shimoliy Koreyadan artilleriya oʻq-dorilarining joʻnatilishi va Rossiya tomonidan boshqariladigan bombalar ishlab chiqarishning koʻpayishi Ukraina kuchlari uchun muammo tugʻdirmoqda.