“Yoshlar ijod saroyi” Savdo-sanoat palatasiga berilmoqda

13:42 27 Oktyabr 2022 Jamiyat
226 0

Foto: Arxiv surat

Normativ-huquqiy hujjatlar loyihalari muhokamasi portaliga 20-oktyabr kuni “Savdo-sanoat palatasi faoliyatini yanada takomillashtirish boʻyicha qoʻshimcha chora-tadbirlar toʻgʻrisida”gi prezident farmoni qoʻyildi.

Farmon loyihasida, Toshkent shahrida joylashgan “Yoshlar ijod saroyi” binosi Palata balansiga oʻtkazib berilishi koʻzda tutilgan. Mazkur binoda Palata tomonidan mahalliy va xorijiy tadbirkorlik subyektlari ishtirokida biznes-forumlar, koʻrgazmalar, ochiq-muloqotlar, uchrashuvlar oʻtkaziladi.

Shuningdek, Koreya xalqaro rivojlantirish agentligining (KOICA) 5,5 million dollar miqdoridagi grant hisobiga Palata qoshida namunaviy “Startaplarni qoʻllab-quvvatlash markazi” biznes-inkubatori tashkil etish qayd etilgan. Markaz biznes-inkubatori Toshkent shahridagi 25-uy B-blok manzilidagi binoda joylashtirish va ushbu binoni Palata balansiga oʻtkazib berish rejalashtirilgan.

Ayni vaqtda “Yoshlar ijod saroyi”ga Yoshlar ittifoqi egalik qilmoqda. Undan avval Madaniyat vazirligi tasarrufida boʻlgan.

Maʼlumot uchun, “Yoshlar ijod saroyi” 2008-yilda qurilgan. Mazkur majmua 3 ta zalga boʻlingan. Bular madaniy-maʼrifiy tadbirlar uchun moʻljallangan katta zal va sanʼatning turli yoʻnalishlari boʻyicha mashgʻulotlar oʻtkaziladigan ijodiy ustaxonalar.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?