Yangiyoʻlda 5 tup daraxt kesgan shaxs tabiatga 533 mln soʻm zarar yetkazdi
Foto: Toshkent viloyati Ekologiya boshqarmasi
Toshkent viloyatining Yangiyoʻl tumanida fuqaro 5 tup koʻp yillik daraxtni hech qanday ruxsatlarsiz kesib tashladi. Bu haqda viloyat Ekologiya boshqarmasi matbuot xizmati xabar berdi.
Maʼlum qilinishicha, viloyat Ekologiya boshqarmasi inspektorlari tomonidan Yangiyoʻl tumani Bunyodkor mahallasida ekologik nazorat tadbirlari oʻtkazilgan. Jarayonda mahalla hududida fuqaro B.N. tomonidan 5 tup daraxt – 2 tup qayragʻoch va 3 tup yongʻoq hech qanday ruxsatnomasiz kesib tashlanganligi aniqlangan.
Holat yuzasidan fuqaroga nisbatan Maʼmuriy javobgarlik toʻgʻrisidagi kodeksning 79-moddasi (Daraxtlarni, butalarni, boshqa oʻsimliklarni va nihollarni qonunga xilof ravishda kesish, kundakov qilish, shikastlantirish, yoʻq qilish yoki boshqa joyga koʻchirib oʻtkazish) 1-qismiga asosan maʼmuriy bayonnoma rasmiylashtirilgan.
Shuningdek, tabiatga yetkazilgan zarar miqdori 533 mln soʻm deb baholangan.
Taʼkidlanishicha, holatga boʻyicha tegishli hujjatlar rasmiylashtirilib, qonuniy baho berish uchun Toshkent viloyati prokuraturasiga yuborilgan.
Tavsiya etamiz
Ko‘p o‘qilganlar
- Ish haqi, pensiya, nafaqa va stipendiyalar miqdori 10 foizga oshiriladi
- Eron va Isroil oʻrtasidagi ziddiyatlar xronologiyasi yoxud bugungi “urush”ning ildizi qayerda?
- Olimlar Alsgeymer kasalligidan himoya qiluvchi parhez haqida maʼlumot berishdi
- Dollar kursi oshishda davom etmoqda
- Parkentda yiliga 20 ming sayyohni qabul qiladigan turistik majmua ochilmoqda
- Oʻzgarishlarni soʻz bilan uygʻotgan jurnalist
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring