Oʻzbekiston Respublikasi mudofaasiga koʻmaklashuvchi “Vatanparvar” tashkilotining Hazorasp tuman oʻquv-sport texnika klubiga qarashli yangi avtodrom foydalanishga topshirildi.

Shu munosabat bilan oʻtkazilgan tadbirda soʻzga chiqqanlar yoshlarni vatanparvarlik ruhida tarbiyalash, chaqiriluvchilarni harbiy-texnik mutaxassisliklar boʻyicha tayyorlash borasida amalga oshirilayotgan ishlar haqida toʻxtalib, yangi qurib ishga tushirilgan avtomobil oʻquv-mashq maydoni ana shu ezgu maqsadlarga xizmat qilishini taʼkidladi.

— Avtomototransport haydovchilari tayyorlash maktablarida nazariy bilimlar va amaliy mashgʻulotlarning uygʻunligini taʼminlash maqsadida viloyatimizda innovatsion texnologiyalar bilan jihozlangan uchinchi avtodromni ishga tushirdik, — deydi “Vatanparvar” tashkiloti Xorazm viloyati Kengashi raisi Davronbek Ibrohimov. – Shu bilan bir qatorda mazkur avtomaktablar uchun yangi yengil va yuk avtomobillari xarid qilindi. Amaliy mashqlarni bunday sharoitlarga ega avtodromlarda oʻtkazgan haydovchilar zarur koʻnikmalarga ega boʻladi va bu kelgusida yoʻl-transport hodisalarining oldini olishga yordam beradi.

Odilbek ODAMBOYEV

“Xalq soʻzi”