Vodiyda yangi gaz koni topildi
Andijon viloyatidagi Uchtepa konida yangi gaz qudugʻi ishga tushirildi. Bu haqda “Oʻzbekneftgaz” AJ matbuot xizmati xabar berdi.
Maʼlumotlarga koʻra, tabiiy gazni razvedka qilish uchun moʻljallangan 7-sonli quduqdan sanoat hajmida gaz otilib chiqa boshladi. Bir kecha-kunduzda chiqayotgan gazning oʻrtacha hajmi 300 – 350 ming metrga kubga teng.
Mazkur quduqning chuqurligi 1350 metrni tashkil etadi. Yangi konda oʻn kun davomida gaz kondensati boʻyicha izlanishlar olib boriladi, gaz manbasi bosimi, harorati va tarkibi oʻrganiladi.
Xabarda mazkur yangi quduq Fargʻona vodiysi aholisini gaz bilan taʼminlash imkonini kengaytirishi qayd etib oʻtilgan.
Maʼlumot uchun, davlat rahbarining tegishli qaroriga muvofiq, 2017 yilda Uchtepa konida geologorazvedka ishlari boshlangan edi. Mazkur jarayonlarni 2021 yilgacha davom ettirish koʻzda tutilgan.
Andijon viloyati Buloqboshi tumanida joylashgan ushbu kondagi 1, 3, 4, 5 - sonli quduqlardan sanoat hajmida 386 ming metr kub hajmida gaz topilgan edi.
Tavsiya etamiz
Ko‘p o‘qilganlar
- Ish haqi, pensiya, nafaqa va stipendiyalar miqdori 10 foizga oshiriladi
- Olimlar Alsgeymer kasalligidan himoya qiluvchi parhez haqida maʼlumot berishdi
- Dollar kursi oshishda davom etmoqda
- Parkentda yiliga 20 ming sayyohni qabul qiladigan turistik majmua ochilmoqda
- Eron va Isroil oʻrtasidagi ziddiyatlar xronologiyasi yoxud bugungi “urush”ning ildizi qayerda?
- Oʻzgarishlarni soʻz bilan uygʻotgan jurnalist
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring