Foto: AP

Ukraina Rossiyaning Gʻarb yoʻlidagi bir qadam, xolos. Ushbu fikrlarni Germaniya Federal razvedka xizmati rahbari lavozimini tark etayotgan Bruno Kal aytib oʻtdi. Uning fikricha Rossiya Ukrainani NATO mamlakatlariga hujum qilish yoʻlidagi oraliq bosqich sifatida koʻrmoqda.

“Biz mutlaqo aminmiz va bizda razvedka maʼlumotlariga ega boʻlgan dalillarimiz bor, Ukraina Rossiyaning Gʻarb yoʻlidagi bir qadamdir”, — dedi u.

Kalning soʻzlariga koʻra, Kremlda NATO aʼzolaridan biriga hujum uyushtirilsa, reaksiyaga kirishishiga ishonmaydiganlar ham bor.

“Ular endi NATOning beshinchi moddasi ishlayotganiga ishonmaydilar. Va ular buni sinab koʻrmoqchi. Ular NATOni 1990-yillar oxiridagi holatga qaytarmoqchi. Ular AQSHni Yevropadan haydab chiqarmoqchi va bunga erishish uchun har qanday vositalardan foydalanadi”, — deya qoʻshimcha qildi nemis razvedkasi rahbari.

Kalning fikricha, Rossiya “ruszabon aholini himoya qilish” bahonasida Boltiqboʻyi davlatlarini qoʻzgʻatishga urinishi mumkin. 2014-yilda Rossiya Qrimni anneksiya qilganida aynan shunday boʻlgan edi. Shu bilan birga, Kal hozir Moskva bilan muzokaralar maʼnosiz ekaniga ishonchi komilligini bildirdi.

“Jiddiylik — bu urushning oldini olishning eng kam qonli usuli. Putin bu muammoni hal qilishda oʻzining agressiv yondashuvi haqidagi fikrini oʻzgartirganining zarracha alomati yoʻq”, — deya xulosa qiladi Kal.