Triatlon bo‘yicha Osiyo kubogining g‘oliblari aniqlandi

18:45 09 Oktyabr 2021 Sport
1630 0

Poytaxtimizda triatlon boʻyichi Osiyo kubogining asosiy yoʻnalishida gʻolib va sovrindorlar aniqlandi. Sprint yoʻnalishida kechgan musobaqada Marokash va Polsha vakillari gʻalaba qozonishdi. Musobaqa reglamentga koʻra, 750 metrga suzish, 20 km. velopoyga va 5 km. yugurish dasturida oʻtkazildi.

Natijalarga koʻra, ayollar oʻrtasida polshalik Paulina Klimas, erkaklar oʻrtasida esa marokashlik Badr Sivane gʻalaba qozondi. Gʻolib va sovrindorlar roʻyxati quyidagi koʻrinishda boʻldi:

Erkaklar:
1. Badr Sivane (Marokash) – 55:32
2. Matsey Bruzdyak (Polsha) – 55:36
3. Vitali Voronsov (Ukraina) – 55:41

Ayollar:
1. Paulina Klimas (Polsha) – 1:01.16
2. Yeva Daniyels (Lyuksemburg) – 1:01.44
3. Liza Berger (Shveysariya) – 1:01.42

Taqdirlash marosimida Viktor Mahmudov boshchiligidagi Oʻzbekiston triatlon federatsiyasi mutasaddilari ishtirok etib, sovrindorlarni qutlab oʻtishdi.

Qayd etish joiz, bunday musobaqa yurtimizda katta tezlikda rivojlanib borayotgan triatlon sportining yanada ommalashishi yoʻlida muhim ahamiyat kasb etdi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?