Tramp oʻzining sharafiga harbiy parad oʻtkazadi
Foto: Reuters
AQSH prezidenti Donald Tramp oʻzining tugʻilgan kuni — 14-iyunda harbiy parad oʻtkazmoqchi. Ayni shu kuni AQSH quruqlikdagi kuchlarining 250-yilligi ham nishonlanadi.
“Armiya oʻzining 250-yilligini oʻtgan yillarda koʻrilgan imkoniyatlarning sezilarli oʻsishi bilan nishonlashni rejalashtirgan edi. Rejalashtirish oʻtgan yili boshlangan va shundan soʻng tadbir koʻproq boʻlinmalarni qamrab olgan”, — deyiladi manbada.
Qayd etilishicha, Tramp bunday paradni ilk bor 2018-yilda, Bastiliyani olish kuni munosabati bilan Fransiyada oʻtkazilgan tantanalardan hayratda qolganida uyushtirmoqchi boʻlgan. 14-iyunda Oq uy rahbari 79 yoshga toʻladi.
Shu yilning 3-aprel kuni Ikkinchi jahon urushi faxriysi Denver Mur Trampni tugʻilgan kuniga taklif qildi. Faxriy 15-may kuni 104 yoshga toʻladi, ammo bayram tadbiri 17-mayda boʻlib oʻtadi.
Mur oʻz taklifnomasida prezidentlik muddati tugaganidan keyin Trampga yana ovoz berishiga ishonch bildirgan.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
- Yana bir bozor auksionga qoʻyildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring