TIV Rossiyada tojikistonliklarga nisbatan salbiy munosabatning koʻplab holatlaridan xavotir bildirdi.

Tojikiston Tashqi ishlar vazirligi Rossiya elchisi Semyon Grigorevni chaqirib, unga norozilik notasini topshirdi, deb xabar qildi TIV matbuot xizmati.

Tashqi ishlar vazirligi Rossiyada tojikistonliklarga nisbatan salbiy munosabatning keng namoyon boʻlishi, ularning huquq va erkinliklari poymol etilishidan jiddiy xavotir bildirdi.

Notada taʼkidlanishicha, bunday harakat faqat Tojikiston fuqarolariga nisbatan qoʻllaniladi, bu tojik-Rossiya munosabatlari ruhi va anʼanalariga tubdan mos kelmaydi, deyiladi xabarda.

Eslatib oʻtamiz, norozilik notasi Moskva aeroportlaridagi vaziyat tufayli yuborilgan.

27-aprel holatiga koʻra, birgina Vnukovo aeroportining vaqtinchalik saqlash zonasida tegishli sanitariya sharoitlari boʻlmagan 1 mingga yaqin Tojikiston fuqarolari boʻlgan.

Qolganlarning umumiy sonidan koʻp soatlab kutishdan soʻng 322 kishi Rossiya hududiga kiritildi. Shu bilan birga, mavjud maʼlumotlarga koʻra, Rossiya hukumati 306 kishini «quvib chiqarish roʻyxati»ga qoʻshish niyatida. Bunday cheklov choralari faqat Tojikiston fuqarolariga nisbatan qoʻllanilmoqda, deya taʼkidladi Tojikiston Tashqi ishlar vazirligi.

Shanba kuni Tojikiston Tashqi ishlar vazirligi vatandoshlariga mamlakatga kirishdan ommaviy ravishda rad etilgani haqidagi xabarlardan keyin Rossiyaga bormaslikni tavsiya qildi.