Toshkentdagi koʻchalardan birida harakat 20 kunga cheklanadi
Illyustrativ foto
Toshkent shahridagi Sultoniya koʻchasida transport harakati vaqtincha cheklanadi. Bu haqda poytaxt hokimligi axborot xizmati xabar berdi.
Qayd etilishicha, Mirzo Ulugʻbek tumanida yuqori kuchlanishli (10 kV) yer osti elektr uzatish kabel liniyalarini oʻtkazish ishlari boshlanmoqda. Mazkur loyiha isteʼmolchilarni elektr energiyasi bilan taʼminlashning ishonchliligi va barqarorligini oshirishga qaratilgan.
Shu munosabat bilan, 2025-yil 10-aprel soat 10:00 dan 30-aprel soat 17:00 gacha Sultoniya koʻchasining Buyuk Ipak yoʻli chorrahasidan to Sultoniya 5-tor koʻchasigacha boʻlgan qismida transport harakati qisman cheklanadi. Harakatlanish bir qatorda amalga oshiriladi.
“Noqulayliklar uchun uzr soʻraymiz va yoʻnalishni oldindan rejalashtirishingizni tavsiya etamiz”, deyiladi hokimlik xabarida.
Eslatib oʻtamiz, joriy yilning 13-aprel kuni Toshkent shahrida yirik sport tadbirlari oʻtkazilishi sababli Yangi Oʻzbekiston koʻchasida hamda unga tutash koʻchalarda avtoulovlar harakati vaqtincha cheklanishi xabar qilingan edi.
Tavsiya etamiz
Ko‘p o‘qilganlar
- Ayrim oilalarga bir martalik moddiy yordam beriladi
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring