Tashqi mehnat migratsiyasi agentligi chet eldagi Oʻzbekiston fuqarolarini ogohlikka chaqiradi

17:52 09 Avgust 2022 Siyosat
560 0

Foto: Illustrativ foto

Ijtimoiy tarmoqlarda Rossiyadagi oʻzbekistonlik mehnat migrantlarining Ukrainadagi harbiy harakatlarda ishtirok etishga jalb qilinayotgani aks etgan videolar tarqalmoqda.

Unga koʻra, Permdagi oʻzbek diasporasi rahbari Jahongir Jalolov Rossiyada ishlayotgan mehnat migrantlariga murojaat qilib, ular shu yerda pul topayotgani va roʻzgʻor tebratayotgani sababli rus harbiylariga qoʻshilib, Ukrainaga qarshi jang qilishga majbur ekanliklarini aytgan. Shuningdek, xabarda Jahongir Jalolovning Rossiya fuqarosi ekani aytilmoqda.

Shu munosabat bilan, Oʻzbekiston fuqarolaridan bunday daʼvatlarga ergashmaslikni, ziddiyatli hududlarga bormaslikni va harbiy harakatlarda ishtirok etmaslikni soʻraymiz, deyiladi xabarda.

Eslatib oʻtamiz, Oʻzbekiston Respublikasi Jinoyat kodeksining 154 prim 1-moddasida chet davlatlarning harbiy xizmatiga, xavfsizlik, politsiya, harbiy adliya organlari yoki shunga oʻxshash boshqa organlariga xizmatga yollanish uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanishi koʻzda tutilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?