Yuldashev Baxtiyor Gayradjonovich Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi direktori lavozimiga tayinlandi.

Tayinlovga qadar Baxtiyor Yuldashev Maktabgacha va maktab taʼlimi vazirligi tizimidagi “Yangi Oʻzbekiston” universitetining innovatsiya va tadqiqot ishlari boʻyicha prorektori vazifasida ishlab kelayotgan edi.

Maʼlumot uchun, Baxtiyor Yuldashev 2016-2018-yillarda Moliya vazirligi Valyuta aktivlari va majburiyatlari bosh boshqarmasida yetakchi iqtisodchi, bosh iqtisodchi, boʻlim boshligʻi oʻrinbosari, 2018-yilda Tashqi ishlar vazirligi Moliya-iqtisod boshqarmasi bosh mutaxassisi, 2020-2022-yillarda Investitsiyalar va tashqi savdo vazirligi Yengil sanoatni rivojlantirish boshqarmasi Eksport shoʻbasi mudiri, 2022-yilda Prezident taʼlim muassasalari agentligi Jamgʻarma mablagʻlarini boshqarish boʻlimi boshligʻi lavozimlarida faoliyat yuritgan.

Shuningdek, Baxtiyor Yuldashev Rossiya Federatsiyasi Tashqi ishlar vazirligi huzuridagi Diplomatik akademiyaning xalqaro iqtisodiyot yoʻnalishi aspiranti hisoblanadi.