“Tadbirkorlik subyektlariga subsidiyalar, imtiyozlar va preferensiyalarni taqdim etish tartiblarini takomillashtirish boʻyicha qoʻshimcha chora-tadbirlar toʻgʻrisida”gi Prezident Qarori (PQ-193-son, 24.05.2024 y.) qabul qilindi.

Qarorga koʻra, yuridik shaxs tashkil etgan holda faoliyat yuritayotgan tadbirkorlarga subsidiyalar, soliq va bojxona imtiyozlari hamda preferensiyalar (qoʻllab-quvvatlash choralari) ularning reyting darajasidan kelib chiqqan holda quyidagi tartibda joriy etiladi:

— qoʻllab-quvvatlash choralari “V” va undan yuqori reyting darajasiga ega tadbirkorlarga amaldagisiga nisbatan quyidagi miqdorlarda taqdim etiladi:

“AAA” toifa – amaldagi miqdorning 100 foizi;

“AA” toifa – amaldagi miqdorning 90 foizi;

“A” toifa – amaldagi miqdorning 80 foizi;

“VVV” toifa – amaldagi miqdorning 70 foizi;

“VV” toifa – amaldagi miqdorning 60 foizi;

“V” toifa – amaldagi miqdorning 50 foizi;

— qoʻllab-quvvatlash choralari roʻyxatdan oʻtganiga 6 oy boʻlmagan, shuningdek, Prezident Farmoniga muvofiq 4 va 5-toifadagi tumanlarda faoliyat yuritayotgan tadbirkorlarga ularning reyting darajasidan qatʼi nazar amaldagi miqdorlarda taqdim etiladi;

— tadbirkorlarning reyting darajasi:

pasaygan taqdirda, qoʻllab-quvvatlash choralarini taqdim etish 3 oy davomida saqlab qolinadi;

yuqorilagan taqdirda, qoʻllab-quvvatlash choralari keyingi oydan boshlab yangilangan reyting darajasiga muvofiq miqdorlarda taqdim etiladi.

2025-yil 1-yanvardan “subsidiya.mf.uz” platformasida tadbirkorlarga taqdim etiladigan qoʻllab-quvvatlash choralarining turlari, muddatlari va tartibini oʻz ichiga olgan alohida reyestr yuritiladi.