S.Safoyev Qozogʻiston Respublikasi Parlamenti Senati Raisi oʻrinbosari bilan uchrashdi

14:33 23 Oktyabr 2021 Siyosat
630 0

2021-yil 23-oktabr kuni Oliy Majlis Senati Raisining birinchi oʻrinbosari S.Safoyevning Qozogʻiston Respublikasi Parlamenti Senati Raisining oʻrinbosari, Qozogʻiston Respublikasi Parlamenti Senati va Oʻzbekiston Respublikasi Oliy Majlisi Senati oʻrtasidagi hamkorlik boʻyicha komissiya hamraisi A. Shakirov bilan uchrashuvi boʻlib oʻtdi.

Tomonlar shu yilning 24-oktabrida boʻlib oʻtadigan Рrezident sayloviga tayyorgarlik xususida fikr almashdilar.

Qayd etilganidek, saylov prezidentlikka nomzodlarning saylovoldi dasturlari bilan saylovchilarning tanishishi uchun zarur shart-sharoitlar taʼminlash maqsadida ochiqlik va oshkoralik tamoyillari asosida tashkil etilgan.

Uchrashuvda Qozogʻiston Respublikasi Parlamenti Senati Raisi M.Ashimbayevning Oʻzbekiston Respublikasiga rasmiy tashrifi chogʻida erishilgan kelishuvlarni amalga oshirish masalalari koʻrib chiqildi.

Shuningdek, Oʻzbekiston Respublikasi Oliy Majlisi Senati va Qozogʻiston Respublikasi Parlamenti Senati oʻrtasidagi hamkorlik boʻyicha komissiyaning uchinchi qoʻshma majlisini oʻtkazish masalasi muhokama qilindi.

Uchrashuvda Oʻzbekiston Respublikasi Oliy Majlisi Senati va Qozogʻiston Respublikasi Parlamenti Senati oʻrtasidagi hamkorlik boʻyicha komissiyaning birinchi majlisi bayonnomasi imzolandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?