Foto: Xasan Paydoyev / «Xalq so‘zi»

Oʻzbekiston Prezidenti Shavkat Mirziyoyevning Tojikistonga tashrifi ikkinchi kuni ham muhim tadbirlarga boy boʻldi.

Tashrif doirasida 19-aprel kuni Prezident Tojikiston Oliy Majlisi Namoyandagon majlisi Raisi Mahmadtoir Zokirzoda bilan uchrashuv oʻtkazdi. Keyingi uchrashuv Tojikiston Bosh vaziri Qohir Rasulzoda bilan boʻldi.

Tashrifning asosiy voqealaridan biri Oʻzbekistonning Dushanbe shahridagi elchixonasi yangi binosining tantanali ochilish marosimi boʻlib oʻtdi. Davlat rahbarlari ramziy tasmani kesib, Oʻzbekiston diplomatik vakolatxonasi binosini ochib berdilar. Ikki mamlakat davlat madhiyalari yangradi.

Shundan soʻng Shavkat Mirziyoyev Emomali Rahmon bilan birgalikda Dushanbeda tashkil etilgan Oʻzbekiston sanoat mahsulotlari koʻrgazmasiga tashrif buyurdi.

Shu tariqa Oʻzbekiston Respublikasi Prezidentining Tojikistonga davlat tashrifi doirasidagi tadbirlar yakuniga yetdi. Aeroportda davlatimiz rahbarini Prezident Emomali Rahmon kuzatib qoʻydi.

Tadbirlarni yoritishda ishtirok etgan “Xalq soʻzi” muxbiri fotoreportaj tayyorladi.

Foto: Xasan Paydoyev / «Xalq so‘zi»