Senat Raisi Buxoroda mahalliy Kengashlar deputatlari bilan uchrashdi

11:35 29 May 2024 Siyosat
223 0

Oliy Majlis Senati Raisi Tanzila Norboyeva Buxoroga amaliy safari doirasida viloyat Kengashi deputatlari, tuman, shahar Kengashi kotibiyatlari mudirlari va doimiy komissiyalari raislari bilan uchrashuv oʻtkazdi.

Uchrashuvda mahalliy Kengashlar faoliyati muhokama qilindi.

Xususan, mahalliy Kengashlar faoliyati samaradorligini oshirishda deputatlik nazorati institutidan samarali foydalanish, hududni ijtimoiy-iqtisodiy rivojlantirish boʻyicha belgilangan vazifalar ijrosi ustidan taʼsirchan deputatlik nazoratini oʻrnatish borasida amalga oshirilayotgan ishlar tanqidiy tahlil qilindi.

Muloqot davomida joylarda aholi muammolarini “mahalla yettiligi” bilan hamkorlikda bartaraf etish boʻyicha yoʻlga qoʻyilgan namunaviy tizimdan foydalanish zarurligi taʼkidlandi.

Jumladan, hududlarni ijtimoiy-iqtisodiy rivojlantirish boʻyicha belgilangan chora-tadbirlar va loyihalarni manzilli oʻrganish hamda nazoratni amalga oshirish, aholi muammolarini bartaraf etish, xotin-qizlar bandligini taʼminlash va tadbirkorlikni rivojlantirish masalalari muhimligi qayd etildi.

Uchrashuv davomida mahalliy Kengash deputatlari bir qator tashabbuslarni ilgari surib, oʻzlarini qiziqtirgan savollarga batafsil javoblar oldilar.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер