Foto: Sputnik

“Sputnik Litva” bosh muharriri Marat Kasem Rigada josuslikda gumonlanib hibsga olindi.

Latviya maxsus xizmatlari Rigada “Sputnik Litva” axborot agentligi bosh muharriri Marat Kasemni josuslikda gumon qilib, hibsga oldi. Bu haqda “Sputnik Near Abroad” telegram-kanalida xabar berildi.

Xabarda aytilishicha, 5-yanvar kuni sud majlisi boʻlib oʻtgan, natijada jurnalist Riga markaziy qamoqxonasiga oʻtkazilgan. Manbaga koʻra, Kasem Yevropa Ittifoqining Rossiyaga qarshi iqtisodiy sanksiyalarini buzish, shuningdek, josuslikda ayblanmoqda. Shu bilan birga, ikkinchi moddaga koʻra, jurnalist 20 yilgacha ozodlikdan mahrum etilishi mumkin.

Maʼlum qilinishicha, Kasemning himoya qiladigan advokati Imma Jansone ish materiallarini haligacha olmagan. Qonunga koʻra, ehtiyot chorasi sifatida sud qarori ustidan shikoyat qilish uchun 10 kun bor.

Marat Kasem Latviya fuqarosi, biroq bir necha yildan beri Moskvada yashaydi va «Rossiya Segodnya» media guruhida ishlaydi. Ushbu guruh tarkibiga “Sputnik Litva” ham kiradi. Manbada aytilishicha, 2022-yilning 30-dekabr kuni axborot agentligi bosh muharriri Latviyaga oilaviy sabablarga koʻra kelgan.

Iyun oyida “Sputnik” agentligining mustaqil yozuvchisi Vladimir Linderman ham Latviyada hibsga olingan edi. Linderman huquq himoyachisi sifatida ish boshlaganidan soʻng, Latviya maxsus xizmatlari tomonidan rossiyaparast pozitsiyalari uchun taʼqib qilingan mahalliy faollarni ochiq himoya qilib kelgan.