Qurbonmurod Namozov – mutlaq jahon chempioni!

22:05 10 Oktyabr 2021 Sport
426 0

Saudiya Arabistonining Jidda shahrida oʻtkazilayotgan ogʻir atletika boʻyicha oʻsmirlar oʻrtasidagi jahon chempionatidan xushxabar. Hozirgina hamyurtimiz Qurbonmurod Namozov (-96 kg) mutlaq jahon chempionligini qoʻlga kiritdi.

Polvonimiz barcha mashqlarda raqiblarini katta farq bilan ortda qoldirib, uchala yoʻnalishda chempionlikka sazovor boʻldi. Namozov dast koʻtarishda 153 kg, siltab koʻtarish dasturida 189 kg va ikki kurash boʻyicha 342 kg natija qayd etdi.

Ogʻir atletika boʻyicha oʻsmirlar oʻrtasidagi JCH.
Yigitlar, -96 kg:
1. Qurbonmurod Namozov (Oʻzbekiston) – 342 kg (153 kg + 189 kg)
2. Gurami Vekua (Gruziya) – 328 kg (148 kg + 180 kg)
3. Muhammad Burun (Turkiya) – 326 kg (147 kg + 179 kg).

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?