Qoraqalpogʻiston Qishloq xoʻjaligi vaziri tayinlandi
Foto: Qoraqalpogʻiston Joʻqorgʻi Kengesi
Bugun, 24-oktyabr kuni Daryabay Kaypov Qoraqalpogʻiston Respublikasi Qishloq xoʻjaligi vaziri lavozimiga tayinlandi. Bu haqda Qoraqalpogʻiston Joʻqorgʻi Kengesi matbuot xizmati xabar berdi.
Qayd etilishicha, u shu vaqtga qadar Qoraqalpogʻiston Respublikasi Vazirlar Kengashi raisining qishloq va suv masalalari boʻyicha oʻrinbosari lavozimida faoliyat yuritgan. Kaypovdan keyin ushbu lavozimni Shuhrat Teshayev egallaydigan boʻldi.
Teshayev mazkur tayinlovga qadar Oʻzbekiston fermer, dehqon xoʻjaliklari va tomorqa yer egalari kengashi raisining birinchi oʻrinbosari lavozimida ishlab kelayotgandi.
Maʼlumot uchun, Shuhrat Teshayev 1969-yil Buxoro viloyatida tugʻilgan. 1993-yilda Toshkent davlat agrar universitetini tamomlagan. U mehnat faoliyati davomida “Paxta” ilmiy-ishlab chiqarish birlashmasi bosh direktori, qishloq va suv xoʻjaligi vazirining agrotexnologiya masalalari boʻyicha birinchi oʻrinbosari sifatida ishlagan.
Tavsiya etamiz
Ko‘p o‘qilganlar
- Jahon olimlari nigohi yana Oʻzbekistonga qaratildi
- Prezident Oʻzbekiston oʻqituvchi va murabbiylariga tabrik yoʻlladi
- Oʻzbekistonda dollarning rasmiy kursi oʻzgardi
- Prezident Ismoil Joʻrabekov vafoti munosabati bilan hamdardlik bildirdi
- Oʻzbekiston va Turkmaniston: barqaror rivojlanish yoʻlidan borayotgan davlatlar
- Tadbirkorlar yangicha yondashuvlar asosida qoʻllab-quvvatlanadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring