Qimmatbaho metallarni sotib olishda chegirmalar qoʻllash tartibi yanada takomillashtirildi

11:31 26 Fevral 2024 Hujjatlar
149 0

Prezident Qarori (PQ-85-son, 24.02.2024 y.) bilan ayrim normativ huquqiy hujjatlarga qoʻshimchalar kiritildi.

“Zargarlik sanoatini yanada rivojlantirish uchun qulay shart-sharoitlar yaratish chora-tadbirlari toʻgʻrisida”gi Prezident qaroriga quyidagilarni nazarda tutuvchi qoʻshimchalar kiritildi:

Qimmatbaho metallarni kechiktirib toʻlash sharti bilan sotib olish imkoniyatidan foydalanilgan har bir kun uchun foizlar hisoblash tartibi joriy qilindi, xususan:

— 30 kun ichida amalga oshirilgan toʻlovlar qismiga – foiz hisoblamaslik;

— 31-kundan 180 kun ichida amalga oshirilgan toʻlovlar qismiga – Markaziy bank asosiy stavkasi miqdorida foiz hisoblash belgilandi.

Shuningdek, “Zargarlik buyumlarini ishlab chiqarish quvvatlarini kengaytirish va mahalliy zargarlarni har tomonlama qoʻllab-quvvatlash boʻyicha qoʻshimcha chora-tadbirlar toʻgʻrisida”gi Prezident qaroriga quyidagi mazmundagi qoʻshimchalar kiritildi:

Qimmatbaho metallarni birja savdolarida chegirmalar qoʻllagan holda sotib oluvchi tadbirkorlarga qoʻyiladigan mezonlarni belgilashda quyidagilarni nazarda tutuvchi tartib joriy qilindi:

— yaratilgan ish oʻrinlarining kamida 70 foizini zargarlik buyumlari va qimmatbaho metall buyumlar ishlab chiqarish bilan shugʻullanadigan ishchilar kasblarini tashkil etish;

— yaratilgan ish oʻrinlariga ishga qabul qilingan xodimlarga kamida 6 oy davomida ish haqi hisoblanishi va ushbu holat soliq organlari tomonidan tasdiqlangan boʻlishi;

— tadbirkorlik subyektlari zarur moddiy-texnika bazasi, uskunalar va boshqa texnika vositalari, ishlab chiqarish maydonlari hamda sharoitlarga ega boʻlishi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?