Qashqadaryoda saylov kuni 100 ta avtobus va 200 ta yengil avtomobil bepul xizmat koʻrsatadi

10:25 12 Oktyabr 2021 Jamiyat
390 0

Foto: F. Bozorov / Xalq so'zi

Bu haqida Qashqadaryo viloyati transport boshqarmasi boshligʻi Narzulla Namozov maʼlum qildi.

N. Namozovning aytishicha, joriy yil 24-oktyabr kuni mamlakatimizda boʻlib oʻtadigan muhim siyosiy tadbir – Oʻzbekiston Respublikasi Prezidenti saylovida vohadagi eng olis, transport qatnovi kam hududlarga 100 ta avtobus va avtobuslar qatnashi qiyin boʻlgan qishloqlarga 200 ta yengil avtomobil xizmati bepul yoʻlga qoʻyiladi.

Qashqadaryo viloyati transport boshqarmasi va bir qator yoʻlovchi tashuvchi korxonalar rahbarlarining ushbu xayrli tashabbusidan koʻzlangan maqsad ayon - saylovchilar uzogʻini yaqin, ogʻirini yengil qilishdir. Shunga koʻra saylov kuni qatnaydigan mazkur avtotransportlar qatnovi grafigi va yoʻl xaritasi tuzildi.

F. Bozorov, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?