Poytaxt ehtiyojini taʼminlash uchun quvvati 2 ming 400 megavattli 4 ta yirik quyosh stansiyalari barpo etiladi

12:09 18 Mart 2023 Siyosat
1857 0

Prezident Shavkat Mirziyoyev “Yangi Toshkent” loyihasi qurilishiga tamal toshi qoʻyish marosimida nutq soʻzlamoqda. Bu haqda Prezident matbuot kotibi Sherzod Asadov xabar berdi.

Avvalambor, poytaxt ehtiyojini taʼminlash uchun quvvati 2 ming 400 megavattli 4 ta yirik quyosh stansiyalari barpo etiladi.

Birinchisi - Qibrayda 400 megavattli foto-elektr stansiyasini qurish boshlandi. Shuningdek, bugungi tadbirda Yuqorichirchiqda 700 megavattli, Ohangaron tumanida 1 ming megavattli hamda Boʻkada 300 megavattli stansiyalar loyihalariga start beriladi.

Bu loyihalarga 2 milliard dollardan ziyod toʻgʻridan-toʻgʻri investitsiyalar kiritilmoqda. Bu stansiyalar toʻliq quvvat bilan ishlay boshlagandan keyin yiliga 6 milliard kilovatt-soat kafolatlangan elektr ishlab chiqaradi.

Bu stansiyalarning elektr energiyasi qoʻshimcha 2 million aholi va 30 ming korxona talabini taʼminlashga yetarli boʻladi.

Shuningdek, poytaxtda elektr energiyasi bilan barqaror taʼminlash uchun yangi podstansiyalar quriladi va mavjudlari yangilanadi, qoʻshimcha yuqori kuchlanishli tarmoqlar quriladi, issiqlik markazlari rekonstruksiya qilinadi, kogeneratsiya texnologiyasi joriy qilinadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер