Jismoniy faollikning yetishmasligi miya faoliyatiga salbiy taʼsir qiladi. Ammo kognitiv funksiyani yaxshilashning bir usuli bor — yurish, deya qayd etmoqda mutaxassislar.

Yurish qon aylanishini yaxshilashga yordam beradi. Natijada miya kislorod va ozuqa moddalari bilan yaxshiroq taʼminlanadi. Bu neyronlarning faoliyatini ragʻbatlantiradi va xotira hamda konsentratsiyani yaxshilaydi.

Mutaxassislarning taʼkidlashicha, muntazam yurish miyaning maʼlumotni qayta ishlash va eslab qolish uchun masʼul boʻlgan hipokampusni kuchaytirishi mumkin. Bundan tashqari, ular stress darajasini samarali ravishda kamaytiradi — organizmdagi kortizol (stress gormoni) miqdori kamayadi va endorfinlar (baxt gormonlari) koʻpayadi.

Yurish, shuningdek, miyaning nevroplastikligini — moslashish va oʻrganish qobiliyatini faollashtiradi. Miya maʼlumotni tezroq qabul qiladi hamda nostandart yechimlarni topadi. Bu, ayniqsa, ijodiy kasb egalari uchun juda muhimdir.

Mutaxassislarning taʼkidlashicha, uzoq davom etadigan harakatsiz va aqliy ish paytida tanaffuslar qilish kerak. Bu aqliy qobiliyatlarni yaxshilashga va konsentratsiyani oshirishga yordam beradi.

Ijobiy natijalarga erishish uchun kuniga 15-20 daqiqa yurish kifoya. Qisqa yurishlarni kundalik jadvalingizga moslashtirish oson.

Boshqa bir tadqiqot shuni koʻrsatdiki, yurish gipertenziyaning oldini olish uchun foydalidir. Bundan tashqari, agar siz yuqori qon bosimiga moyil boʻlsangiz, dietangizni oʻzgartirishingiz kerak.