Paralimpiyada. Nurxon Qurbonova Oʻzbekiston delegatsiyasiga 10-oltin medalni keltirdi
Foto: Paralimpiya qo‘mitasi
Fransiyaning Parij shahrida boʻlib oʻtayotgan Paralimpiya oʻyinlarining para yengil atletika boʻyicha ayollar oʻrtasida F54 klassida nayza uloqtirish dasturida final bahslari yakunlandi. Ushbu yoʻnalishda Oʻzbekiston sharafini himoya qilgan Nurxon Qurbonova 21.12 metr natija qayd etgan holda Jahon rekordini yangiladi va delegatsiya hisobiga 10-oltin medalni qoʻshib qoʻydi.
Aytish joiz, F54 klassida nayza uloqtirish boʻyicha amaldagi Jahon rekordi ham aynan Nurxon Qurbonovaning oʻziga tegishli edi. Oʻzbekistonlik sportchi joriy yil Yaponiyada boʻlib oʻtgan Jahon chempionatida 20.73 metr natija bilan eski rekordni yangilashga muvaffaq boʻlgandi.
Maʼlumot uchun, Nurxon Qurbonova bunga qadar Tokio-2020 yozgi Paralimpiya oʻyinlarida kumush va bronza medallarini qoʻlga kiritgan.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Yana bir bozor auksionga qoʻyildi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring