Illyustrativ foto

2024-yil yanvar — aprel oylarida Oʻzbekistondagi ishlab chiqarish faoliyati bilan shugʻullanuvchi 66 513 ta yuridik shaxs tomonidan 12,1 trillion soʻm soliq toʻlangan. Bu haqda Fiskal tahlillar portali maʼlum qildi.

Toʻlangan soliqlarning 4,8 trillion soʻmi 20 ta soliq toʻlovchi (NKMK va OKMK AJdan tashqari) hisobiga toʻgʻri keladi. Ularning tovar aylanmasi 51 trillion soʻm, qoʻllangan soliq imtiyozlari miqdori esa 505,9 mlrd. soʻmdan oshgan.

Ushbu soliq toʻlovchilar tomonidan taʼminlangan tushumlar soliq turlari kesimida:

• aksiz soligʻi — 1,3 trillion soʻm;

• QQS (Qoʻshilgan qiymat soligʻi) — 1,2 trillion soʻm;

• yer qaʼridan foydalanganlik uchun soliq — 766,8 milliard soʻm;

• foyda soligʻi — 338,8 milliard soʻm;

• ijtimoiy soliq — 289,2 milliard soʻm;

• JSHODS (Jismoniy shaxslardan olinadigan daromad soligʻi) — 267,2 milliard soʻm;

• mol-mulk soligʻi — 159,2 milliard soʻm;

• boshqa soliqlar — 407,8 milliard soʻm.