Oʻzbekiston va Isroil oʻrtasidagi strategik sheriklikda parlamentlararo aloqalarning oʻrni muhokama qilindi
Foto: Akmal Muhammadov / “Xalq soʻzi”
2025-yil 4-aprel kuni Oliy Majlis Senati Raisi Tanzila Narbayeva Isroil Davlatining Knesseti Spikeri Amir Oxana bilan uchrashuv oʻtkazdi.
Uchrashuvda Oʻzbekiston va Isroil oʻrtasidagi strategik sheriklikda parlamentlararo aloqalarning oʻrni va ahamiyati muhokama qilindi. Ikki tomonlama hamkorlikning barcha yoʻnalishlarida samarali natijalarga erishish uchun parlamentlararo munosabatlarni yanada faollashtirish muhimligi taʼkidlandi.
Qonun ijodkorligi sohasida tajriba almashish, doʻstlik guruhlari faoliyatini jadallashtirish va parlamentlar qoʻmitalari oʻrtasidagi faol muloqotni yoʻlga qoʻyish uchun aniq dasturlar ishlab chiqishga kelishib olindi.
Uchrashuv chogʻida turizm, savdo-iqtisodiy aloqalarni rivojlantirish, innovatsiya va yuqori texnologiyalar, sogʻliqni saqlash sohalaridagi qoʻshma loyihalarni kengaytirish imkoniyatlari yuzasidan fikr almashildi.
Suhbat yakunida ikki mamlakat parlamentlari oʻrtasidagi aloqalarni mustahkamlashga qaratilgan qadamlar belgilab olindi.
Tavsiya etamiz
Ko‘p o‘qilganlar
- Ish haqi, pensiya, nafaqa va stipendiyalar miqdori 10 foizga oshiriladi
- Eron va Isroil oʻrtasidagi ziddiyatlar xronologiyasi yoxud bugungi “urush”ning ildizi qayerda?
- Olimlar Alsgeymer kasalligidan himoya qiluvchi parhez haqida maʼlumot berishdi
- Dollar kursi oshishda davom etmoqda
- Parkentda yiliga 20 ming sayyohni qabul qiladigan turistik majmua ochilmoqda
- Oʻzgarishlarni soʻz bilan uygʻotgan jurnalist
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring