Oʻzbekiston U-17 terma jamoasining Jahon chempionatida ishtirok etadigan yakuniy tarkibi maʼlum boʻldi. Bu haqda Oʻzbekiston futbol assotsiatsiyasining rasmiy sahifasida xabar berildi.

Musobaqada qatnashadigan futbolchilar roʻyxati quyidagicha:
Ibrohim Shokirov, Neʼmatulloh Rustamjonov, Bahodir Izboskanov, Qahramon Turgʻunov, Muhammad Hakimov, Moʻminxon Bahodirxonov, Amirxon Muradov, Miraziz Abdukarimov, Sadriddin Hasanov, Abdusamad Saidov, Nurbek Sarsenbayev, Muhammad Habibullayev, Sayfiddin Sodiqov, Abdulmalik Anvarov, Behruz Saidmurodov, Muhammadali Musaxonov, Azizbek Abdumoʻminov, Jamshidbek Rustamov, Abubakir Shukurullayev, Azizbek Erimbetov, Asilbek Aliyev.

Maʼlumot uchun, avvalroq Osiyo chempionati finalida qizil kartochka olgan Nurbek Sarsenbayev Jahon chempionatiga jalb etilmasligi haqida maʼlumot tarqalgan edi. Biroq, bosh murabbiy Islom Ismoilov qoraqalpogʻistonlik yosh hujumchini yakuniy roʻyxatga kiritishga qaror qildi.

Shu tariqa, Oʻzbekiston yoshlar terma jamoasi musobaqaga tayyorgarlikning soʻnggi bosqichini yakunlab, jahon maydonida mamlakat sharafini himoya qilishga hozirlanmoqda.