Oʻzbekiston Respublikasida xizmat koʻrsatgan jurnalist Ikrom Oʻtbosarov vafot etdi

12:54 22 Oktyabr 2020 Jamiyat
882 0

Oʻzbekiston Respublikasida xizmat koʻrsatgan jurnalist, 1991-yildan buyon “Xalq soʻzi” gazetasida faoliyat yuritib kelgan ustoz ijodkor Ikrom Oʻtbosarov 72 yoshida vafot etdi.

Shu munosabat bilan “Xalq soʻzi” — “Narodnoye slovo” gazetalari tahririyati marhumning oila aʼzolari va yaqinlariga chuqur taʼziya izhor etadi.

U kishining nomi respublikamiz ijod ahli orasida yuksak ehtirom bilan tilga olinadi.

Ikrom Oʻtbosarov 1948-yil 27-martda Fargʻona viloyati Beshariq tumanida tugʻildi.

ToshDU(hozirgi OʻzMU)ning filologiya fakultetini tamomlagan.

U oʻz mehnat faoliyatini 1970-yilda “Lenin uchquni”(hozirgi “Tong yulduzi”) gazetasida boshlagan.

1991-yildan buyon “Xalq soʻzi” gazetasida faoliyat yuritib kelayotgan edi.

Ustoz jurnalist koʻplab publitsistik maqolalar, ocherklar bilan birgalikda “Choʻqqilarga eltuvchi yoʻllar” va “Vatanda safar qil...” kitoblari muallifi hamdir.

U Oʻzbekiston Respbulikasida xizmat koʻrsatgan jurnalist faxriy unvoni, “Shuhrat” medali, “Mustaqillikning 1 yilligi”, “Mustaqillikning 25 yilligi”, “Xalq taʼlimi aʼlochisi” koʻkrak nishonlari sohibi, “Yilning eng yaxshi jurnalisti” tanlovi gʻolibi, “Oltin qalam” xalqaro tanlovi sovrindori boʻlgan.

Ikrom Oʻtbosarovning yorqin xotirasi qalblarimizda mangu yashaydi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?