Gʻ.Otajonov/“Xalq soʻzi”. Fransiya taraqqiyot agentligining va Yevropa Investitsion Banki vakillari Qoraqalpogʻistonga tashrif buyurdi. Delegatsiya vakillari dastlab Qoraqalpogʻiston Respublikasi Vazirlar Kengashi Raisi F.Ermanov qabulida boʻlib, “Qoraqalpogʻiston Respublikasida «Suyenli kanali tizimini rekonstruksiya qilish” loyihasi boʻyicha oʻzaro fikr almashishdi.

Shuningdek, Fransiya taraqqiyot agentligining va Yevropa Investitsion Banki vakillari Qoraqalpogʻiston Respublikasi Suv xoʻjaligi vazirligida ham boʻlib, soha masʼullari bilan loyiha doirasida amalga oshiriladigan ishlarni muhokama qildi.

Qoraqalpogʻistondagi “Suyenli” kanalining 96,6 km qismi va “Parallel” kanalining 36,0 km qismini beton qoplamasi bilan qoplanadi. “Suyenli” kanalining bosh suv olish inshooti hamda 196 dona gidrotexnik inshootlari qayta tiklanadi. Suvning hisobini yuritish uchun SCADA (suvni monitoringi va boshqaruvi) tizimini joriy qilinadi. Suv taʼminoti ogʻir boʻlgan 209,2 ming gektar sugʻoriladigan yer maydonlariga kafolatli suv yetkazib beriladi. Shuningdek kanallarning foydali ish koeffitsiyentini oʻrtacha 15-30 foizga qadar oshiriladi. Suv xoʻjaligi sohasida faoliyat yuritib kelayotgan koʻplab xodimlarning malakasi oshiriladi.

Maʼlumot uchun: “Suyenli” magistral kanalini modernizatsiya qilish” loyihasi boʻyicha tayyorlanayotgan dastlabki texnik-iqtisodiy asosga koʻra, loyiha Qoraqalpogʻiston Respublikasining Taxiatosh, Xoʻjayli, Shumanay, Qonlikoʻl, Qoʻngʻirot va Moʻynoq tumanlarida amalga oshiriladi.