Ғ.Отажонов/«Халқ сўзи». Франция тараққиёт агентлигининг ва Европа Инвестицион Банки вакиллари Қорақалпоғистонга ташриф буюрди. Делегация вакиллари дастлаб Қорақалпоғистон Республикаси Вазирлар Кенгаши Раиси Ф.Эрманов қабулида бўлиб, «Қорақалпоғистон Республикасида «Суенли канали тизимини реконструкция қилиш» лойиҳаси бўйича ўзаро фикр алмашишди.

Шунингдек, Франция тараққиёт агентлигининг ва Европа Инвестицион Банки вакиллари Қорақалпоғистон Республикаси Сув хўжалиги вазирлигида ҳам бўлиб, соҳа масъуллари билан лойиҳа доирасида амалга ошириладиган ишларни муҳокама қилди.

Қорақалпоғистондаги «Суенли» каналининг 96,6 км қисми ва «Параллел» каналининг 36,0 км қисмини бетон қопламаси билан қопланади. «Суенли» каналининг бош сув олиш иншооти ҳамда 196 дона гидротехник иншоотлари қайта тикланади. Сувнинг ҳисобини юритиш учун SCADA (сувни мониторинги ва бошқаруви) тизимини жорий қилинади. Сув таъминоти оғир бўлган 209,2 минг гектар суғориладиган ер майдонларига кафолатли сув етказиб берилади. Шунингдек каналларнинг фойдали иш коэффициентини ўртача 15-30 фоизга қадар оширилади. Сув хўжалиги соҳасида фаолият юритиб келаётган кўплаб ходимларнинг малакаси оширилади.

Маълумот учун: «Суенли» магистрал каналини модернизация қилиш” лойиҳаси бўйича тайёрланаётган дастлабки техник-иқтисодий асосга кўра, лойиҳа Қорақалпоғистон Республикасининг Тахиатош, Хўжайли, Шуманай, Қонликўл, Қўнғирот ва Мўйноқ туманларида амалга оширилади.