Muloqot chogʻida A.Ulvi oʻzbek adabiyotiga yuksak hurmat va qiziqish koʻrsatishi hamda qardosh Oʻzbekiston va Ozarbayjon xalqlari oʻrtasidagi adabiy aloqalarning yanada rivojlanishiga hissa qoʻshishda davom etayotganidan mamnun ekanligini qayd etdi.

U mamlakatimiz diplomatiya vakolatxonasi tashabbusi bilan 2022-yilda Oʻzbekistonda yubileylari nishonlangan 13 ta atoqli oʻzbek shoir va yozuvchilari haqida “Ədəbi portretlər” nomli maqolalar va ularning ijodlaridan namunalar toʻplamini hamda “Yeni əlifba yollarında əski xatirə və duyğularım” (oʻzbek-ozarbayjon tilshunosi, turkolog Xalid-Said Xodjayevning “Yangi alifbo bilan ishlash yoʻlidagi xotira va hissiyotlarim”) nomli kitobni elchixonaga tuhfa etdi.

Suhbat davomida 2023-yilga moʻljallangan tadbirlar rejasi, shu jumladan, fevral oyida Alisher Navoiy va Zahiriddin Muhammad Boburning tavallud kunlarini keng nishonlash boʻyicha reja va gʻoyalar oʻrtoqlashildi.