Noqonuniy ravishda olib chiqib ketilayotgan madaniy boyliklar toʻxtatib qolindi
Qoraqalpogʻiston Respublikasi bojxona boshqarmasi “Daut ata” chegara posti orqali qoʻshni davlatga chiqib ketayotgan yuk avtotransport vositasi bojxona nazoratidan oʻtkazilganida hech qanday hujjatlari boʻlmagan ikki taraflama ochiladigan 3 dona oʻyma naqshli gujum daraxtidan yasalgan eski yogʻoch eshiklar bor ekanligi aniqlandi.
Oʻrganishlar natijasida avtotransport vositasiga yuklangan mazkur yogʻoch eshiklar Oʻzbekiston Respublikasi hududidan olib chiqib ketilishi man etilgan madaniy boyliklar sarasiga kiritilgani maʼlum boʻldi.
Qoraqalpogʻiston Respublikasi Мadaniy meros boshqarmasi badiiy ekspertiza boʻlimi tomonidan sanʼatshunoslik ekspertiza xulosasiga koʻra, bu oʻyma naqshli eshiklar Buxoro va Xiva ustalari tomonidan XIX asrda ishlangan va hozirgi kunda tarixiy va muzey ahamiyatiga ega madaniy boylik hisoblanadi.
Hozirda ushbu madaniy meros Qoraqalpogʻiston Respublikasi tarixi va madaniyati davlat muzeyiga topshirilgan. Yuqorida aniqlangan huquqbuzarlik holati yuzasidan bojxona organlari tomonidan surishtiruv harakatlari olib borilmoqda.
Tavsiya etamiz
Ko‘p o‘qilganlar
- Ish haqi, pensiya, nafaqa va stipendiyalar miqdori 10 foizga oshiriladi
- Eron va Isroil oʻrtasidagi ziddiyatlar xronologiyasi yoxud bugungi “urush”ning ildizi qayerda?
- Olimlar Alsgeymer kasalligidan himoya qiluvchi parhez haqida maʼlumot berishdi
- Dollar kursi oshishda davom etmoqda
- Parkentda yiliga 20 ming sayyohni qabul qiladigan turistik majmua ochilmoqda
- Oʻzgarishlarni soʻz bilan uygʻotgan jurnalist
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring