Illustrativ foto

Oʻzbekiston Respublikasining “Taʼlim toʻgʻrisida”gi Qonunining 9-moddasida umumiy oʻrta taʼlim tashkilotining birinchi sinfiga bolalar ular yetti yoshga toʻladigan yilda qabul qilinishi belgilangan.

2021/2022 oʻquv yilidan boshlab amalga kirgan ushbu qonun normasi davlat va nodavlat umumiy oʻrta taʼlim tashkilotlari uchun birdek majburiy hisoblanadi.

Oʻtgan oʻquv yili boshlanishidan avval bu haqida keng jamoatchilikka bir necha marotaba batafsil maʼlumot berilishiga qaramay, 7 yoshga toʻlmagan bolalarni maktablarga noqonuniy qabul qilish holatlari kuzatildi.

Xususan, soʻnggi kunlarda ijtimoiy tarmoqlarda Toshkent shahridagi “Umnыye deti” nodavlat taʼlim tashkilotiga farzandini 1-sinfga 7 yoshga toʻlmasdan joylashtirgan va hozirgi paytda 2-sinfga oʻtkaza olmayotgan ota-onalarning murojaatlari tarqalmoqda.

Bugungi kunda ushbu nodavlat taʼlim tashkilotida yuz bergan qonun buzilishi holatlari oʻrganilayotganligini, oʻrganish natijalariga koʻra qonun buzilishiga yoʻl qoʻygan shaxslarga hamda taʼlim tashkilotiga nisbatan amaldagi qonunchilikda belgilangan jazo choralari qoʻllaniladi.