MIB mansabdori pora bilan ushlandi
Foto: DXX
Majburiy ijro byurosi mansabdori pora bilan qoʻlga olindi, deb xabar bermoqda Davlat xavfsizlik xizmati.
Maʻlum qilinishicha, Fargʻona viloyatidagi tumanlardan birining Majburiy ijro byurosi boshligʻi oʻz xizmat vakolatidan foydalangan holda, boʻysunuvidagi davlat ijrochisi ish yurituvida boʻlgan fuqarolik ishlari boʻyicha sudning ijro varaqasi boʻyicha javobgarlarni ushbu tumandagi xonadondan majburiy tartibda koʻchirish yuzasidan ijro harakatlarini yakunlab berish evaziga 2 ming AQSH dollari talab qilgan.
Joriy yilning 3-iyun kuni u talab qilingan pul mablagʻidan 1,2 ming dollarini pora sifatida olgan.
DXX va Bosh prokuratura huzuridagi Departament hamkorligida oʻtkazilgan tezkor tadbirda, u qolgan 800 dollarni olgan vaqtida ashyoviy dalillar bilan ushlangan.
Mazkur holat yuzasidan MIB mansabdor xodimiga nisbatan Jinoyat Kodeksining 210-moddasi 2-qismi “v” bandi bilan jinoyat ishi qoʻzgʻatilib, qamoq ehtiyot chorasi qoʻllanilgan.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Roʻziqul Berdiyevning matbuot anjumanidagi fikrlari yuzasidan surishtiruv oʻtkaziladi
- Oʻzbekistonda Kasbiy taʼlim agentligi tashkil etiladi
- Tramp Koreya yarimorolidagi mojaroga yakun yasashga vaʼda berdi
- Oʻzbekistonning yangi trayektoriyasi: Asosiy xorijiy transferlar xaritasi
- AQSH Rossiyaga bosim oʻtkazishning muqobil usullarini oʻrganmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring