Illyustrativ foto

Shu yilning 30-noyabr kuni Qatardagi “974” stadionida jahon chempionati “S” guruhi 3-turidan oʻrin olgan Polsha va Argentina terma jamoalari oʻrtasidagi uchrashuv boʻlib oʻtdi.

Ushbu oʻyin Argentina terma jamoasi sardori Lionel Messi uchun jahon chempionatlaridagi 22 uchrashuv boʻldi va bu natija bilan u hamyurti, afsonaviy futbolchi Diyego Maradonadan oʻzib ketdi. Maradona jahon chempionatlarida 21 uchrashuvda oʻz mamlakati sharafini himoya qilgan. 

Polshaga qarshi uchrashuvda Messi oʻz hisobida gol ham yozib qoʻyishi mumkin edi. Lekin u raqib darvozasiga belgilangan 11 metrlik jarima zarbasini golga aylantira olmadi. Oʻyinda argentinaliklar 2:0 hisobida gʻalabaga erishdi va guruh bosqichini birinchi oʻrinda yakunladi va 1/8 finala avstraliyalik futbolchilarga qarshi maydonga chiqadigan boʻlishdi.

Mazkur oʻyin 3-dekabr kuni Toshkent vaqti bilan 23:45 da boshlanadi.