Mamlakatga kirib kelgan sovuq havo oqimi taʼsiri joriy haftada ham saqlanib qoladi

Oʻtgan hafta oxirida Oʻzbekiston hududiga kirib kelgan sovuq havo massasi oʻz taʼsirini saqlanib turadi.

Ushbu hafta davomida havo harorati asosan kechalari 3-8^o sovuq, shimolda 7-12^o sovuq, baʼzi joylarda 16^o sovuqqacha, kunduz kunlari 19-20-fevralda 3^o sovuq-2^o iliq, 21-23-fevralda 0-5^o iliq atrofida boʻladi.

Bugun kunduzi koʻpchilik viloyatlarda baʼzi joylarda asosan qor koʻrinishidagi yogʻingarchilik boʻladi, faqat Qoraqalpogʻiston Respublikasi va Xorazm viloyatida yogʻingarchilik kutilmaydi.

Ertaga 20-fevralda Fargʻona vodiysi viloyatlarida, shuningdek kechasi va ertalab Toshkent, Samarqand, Jizzax, Sirdaryo, Qashqadaryo, Surxondaryo viloyatlarida biroz qor yogʻishi mumkin.

21-23-fevral kunlari asosan yogʻingarchiliksiz ob-havo boʻlishi kutilmoqda.

Respublika boʻyicha baʼzi joylarga tuman tushadi. Shamol shimoli-sharqdan 7-12 m/s tezlikda esadi.

Yoʻllarda yaxmalak kuzatiladi.

Togʻli hududlarda vaqti-vaqti bilan qor yogʻadi. Qor koʻchishi xavfi bor.

Mamlakatga kirib kelgan sovuq havo oqimi taʼsiri joriy haftada ham saqlanib qoladi — Oʻzgidromet

Tavsiya etamiz

Izohlar

Ko‘p o‘qilganlar

Oxirgi
son

Yangiliklar taqvimi

Кластер