“2025-2026-yillarda bolalarni maktabgacha taʼlim bilan qamrab olish darajasini oshirish boʻyicha qoʻshimcha chora-tadbirlar toʻgʻrisida”gi Hukumat qarori qabul qilindi.

Qaror bilan 3-7 yoshdagi bolalarni maktabgacha taʼlimga jalb etishning maqsadli koʻrsatkichlari belgilandi va qamrov darajasini oshirish boʻyicha qoʻshimcha chora-tadbirlar tasdiqlandi.

Aholining toʻlov qobiliyatiga qarab har xil hududlarda turli xil maktabgacha taʼlim muassasalari tashkil etiladi.

Yashash darajasi yuqori boʻlgan mahallalarda davlat-xususiy sheriklik asosida nodavlat bogʻchalari ochilsa, olis va chekka mahallalarda oilaviy nodavlat bogʻchalari, aholining toʻlov qobiliyati past hamda demografik oʻsish darajasi yuqori boʻlgan mahallalarda davlat, shuningdek, xalqaro moliya institutlari kredit va grantlari hisobidan davlat-xususiy sheriklik asosida nodavlat bogʻchalari ochiladi.

Shuningdek, ijtimoiy soha muassasalarining boʻsh binolarida qisqa muddatli guruhlar ochilishi ham rejalashtirilgan.

2025-yil yakunigacha kambagʻal oilalar farzandlarini maktabgacha taʼlim bilan qamrab olishni toʻliq taʼminlash maqsad qilingan.