Navoiy shahrida kurash boʻyicha 2001-2003-yillarda tugʻilgan oʻgʻil bolalar va qizlar oʻrtasida Oʻzbekiston chempionati boʻlib oʻtdi.

Oʻzbekiston Turizm va sport vazirligi hamda Respublika kurash federatsiyasining yillik taqvim-rejasidagi mazkur mamlakat chempionatining boshqa chempionatlardan farqi va ahamiyatli jihatli, mazkur chempionatning har bir vazn toifasidagi  gʻoliblari belgilangan meʼyorlarga muvofiq, oliy oʻquv yurtlariga imtihonsiz, imtiyoz asosida talabalikka qabul qilinadi.

Ham chempionlik, ham talabalik baxtiga muyassar boʻlishni maqsad qilgan polvonlar ushbu chempionatda bor mahoratlarini ishga solishdi. Shiddatli va murosasiz tarzda oʻtgan bellashuvlarda quyidagi sportchilar oʻz vazn toifalariga koʻra barcha raqiblarini yengib, faxrli birinchi oʻrinlarni egallashdi.

Oʻsmirlar

50 kg. – Javohir Zokirov (Jizzax)

55 kg. – Sherzod Normurodov (Navoiy)

60 kg. – Bobomurod Muxtorov (Andijon)

66 kg. – Alpomish Shodiyev (Surxondaryo)

73 kg. -  Axror Ziyodullayev (Toshkent sh.)

81 kg. – Muhammadqodir Amanov (Buxoro)

90 kg. – Toʻlqin Turdiyev (Buxoro)

+90 kg. – Qurbonboy Rajabov (Navoiy)

Qizlar

44 kg. – Munisa Eshqulova (Qashqadaryo)

48 kg. – Gulhayo Joʻrayeva (Qashqadaryo)

52 kg. -  Jumagul Otajonova (Xorazm)

57 kg. – Komila Qahhorova (Surxondaryo)

63 kg. – Oliya Hamidova (Qashqadaryo)

70 kg. – Ravzaxon Adasheva (Namangan)

+70 kg. – Pokizaxon Kamoliddinova (Fargʻona)

Musobaqa yakunida gʻolib va sovrindorlari diplom, medal va qimmatbaho esdalik sovgʻalari bilan mukofotlandi.