Xo‘jand: tarix va zamonaviylik chorrahasi

Foto: Xasan Paydoyev / «Xalq so‘zi»

Tojikistonning shimoliy marvaridi sanalmish Xo‘jand shahri qadimiy va zamonaviy qiyofani mujassam etgan maskanlardan biridir. Farg‘ona vodiysining qoq markazida joylashgan bu shahar uzoq asrlik tarixi, madaniy merosi va o‘ziga xos atmosferasi bilan sayyohlarni o‘ziga jalb etadi.

Fotoreportajimiz davomida Xo‘jandning muhim diqqatga sazovor joylari – Temurmalik qal’asi, Shayx Muslihiddin maqbarasi, Panjshanbe bozori va shahar markazidagi zamonaviy inshootlar bilan tanishdik. Bozor, shubhasiz, Xo‘jandning yuragi hisoblanadi: bu yerda sharqona an’analar, rang-barang mahsulotlar va mehmondo‘st savdogarlar har bir tashrif buyurganga iliqlik bag‘ishlaydi.

Xo‘jand faqat tarixiy yodgorliklar emas, balki o‘zgarishlar sari intilayotgan, zamonaviy rivojlanishga yuz tutgan shahar ekaniga yana bir bor amin bo‘ldik. Ushbu suratlar orqali Xo‘jandning betakror ruhi va hayot tarzini ko‘rsatishga harakat qildik.