arxiv foto

Karantin qoidalari nimani cheklashi haqidagi savolga Ichki ishlar vaziri matbuot kotibi Shoxruh Gʻiyosov javob berdi.

“Birinchidan, keskin zarurat boʻlmaganda fuqarolarni koʻchaga chiqish tavsiya etilmaydi.

Toshkent shahar, Nukus shahri va viloyatlar markazlarida faoliyat olib borayotgan patrul xizmatlari, Sizni koʻchada yurganingizni koʻrsalar, toʻxtatib koʻchaga chiqish sababni soʻrashlariga xaqli. Agar sababsiz yurganingzni bilsalar ular Sizga ogohlantirish berib uyingizga qaytarib yuboradilar.

Ikkinchidan, yaqin qarindoshlar, bular ota-ona, aka-uka, turmush oʻrtogʻi va farzandlaringizdan tashqari koʻchalarda 3 dan ortiq odam toʻlansa bu ham karantin qoidasini buzish hisoblanadi.

Uchinchidan, shaxsiy avtotransport vositangizda, xukumat komissiyasi tomonidan eʼlon qilingan va maxsus stikeri mavjud transport vositalaridan tashqari, koʻchada harakatlansangiz karantin qoidasini buzgan hisoblanadi.

Toʻrtinchidan, koʻchada yoki transport vositasida tibbiy niqobsiz boʻlish karantin qoidasini buzish hisoblanadi.

Karantin qoidasini buzganlar MJtKning 54 moddasi bilan javobgarlikka tortiladilar.

Bunda jarima miqdori ogʻirlik darajasiga qarab 1 mln 100 ming soʻmdan 11 mln soʻmgacha belgilangan. Agar Sizni harakatlaringiz ogʻir oqibatlar xavfini keltirib chiqarsa, Jinoyat Kodeksining 257 prim 1 moddasi bilan besh yilgacha ozodlikdan mahrum qilish bilan javobgarlikka tortilishingiz mumkin.

Qilmishingiz oqibatida odam oʻlimi kelib chiqsa 10 yilgacha jazo chorasi belgilangan.”, deydi G'iyasov.

Eslatib oʻtamiz, Oʻzbekistonda shu kungacha 173 kishida koronavirus aniqlangan. 8 kishi bu darddan butkul forigʻ boʻlgan, 2 kishi esa vafot etgan.