Karantin cheklovlari ota-onasi mehnat migratsiyasida boʻlgan bolalarga qanday taʼsir koʻrsatdi?

10:27 02 Dekabr 2021 Jamiyat
225 0

YUNISEF va Bola huquqlari boʻyicha vakili (Bolalar ombudsmani) tashabbusi bilan “Oʻzbekistonda migratsiya taʼsiridan jabrlangan bolalarga "COVID-19”ning bolalar huquqlariga taʼsirini baholash" tadqiqoti amalga oshirildi.

Ushbu Bola huquqlariga taʼsirni baholash (BHTB) Bolalar ombudsmani boshchiligida Bola huquqlari boʻyicha masʼul boʻlgan Yevropa tarmogʻi (BHMET) tomonidan tayyorlangan Umumiy asosiy konsepsiyani va BHTBni moslashtirish boʻyicha milliy maslahatchini jalb qilgan holda, migratsiya taʼsiridan jabrlangan bolalar (MJB)ning hayoti va salomatligini himoya qilish, ularning ushbu huquqlariga boʻlgan taʼsirini oʻrganish uchun pandemiyaning dastlabki bosqichlarida ishlab chiqilgan meʼyoriy hujjatlar, hukumat tomonidan qabul qilingan qonunlar, siyosatlar, byudjet qarorlari, "COVID-19» bilan bogʻliq dasturlar va xizmatlarni koʻrib chiqish uchun oʻtkazildi.

“Oʻzbekiston Respublikasida migratsiyadan jabr koʻrgan bolalarga "COVID-19”ning bola huquqlariga taʼsirini baholash» tadqiqoti asosida taklif va tavsiyalar ishlab chiqish boʻyicha ekspert guruhi aʼzolari ishtirokida davra suhbati tashkil etildi.

Tadbirda qayd etilishicha, umumiy hisobotda "COVID-19» pandemiyasi tufayli tatbiq etilgan karantin cheklovlarining ota-onasi mehnat migratsiyasida boʻlgan bolalarga qanday taʼsir qilganligi tahlil qilingan. 

Hisobotda mazkur vaziyatning umumlashtirilgan tahlili keltirilgan boʻlib, hukumat va mutasaddi tashkilotlar uchun kelajakda shunga oʻxshash vaziyatlarda bolalar duch kelishi mumkin boʻlgan salbiy oqibatlarning oldini olish yoki yengillashtirish boʻyicha siyosatni ishlab chiqishda tavsiyalar berilgan.

“Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?