Isroil Yahyo Sinvar oʻldirilganini maʼlum qildi (+video)
Isroil askarlari Gʻazoda tasodifiy toʻqnashuv chogʻida HAMASning asosiy yetakchisi Yahyo Sinvarni oʻldirgan. Sinvar Isroilning eng katta qoʻrqinchi va tashkilotning eng muhim shaxsi edi. Bu haqda BBC xabar bergan.
Maʼlum qilinishicha, Sinvar Gʻazo va Falastin hududini “besh qoʻliday” bilar, Isroilning harakatlarini oldini olar va tutqich bermas edi. Taqdim etilgan videoda Yahyoning yuzi aniq koʻrinmagan boʻlsa-da, u ekanligi aytilayotgan shaxsning xaroba binoda dron bilan yuzlanib turgan tasvirlari tarqalgan.
Isroil Mudofaa kuchlari Sinvar oʻsha paytda toʻgʻridan-toʻgʻri nishonga olinmagan, ammo Rafahdagi muntazam patruldan keyin aniqlanganini aytdi. Yahyoning jasadi dastlab voqea joyida qoldirilgan, biroq keyinchalik DNK testida uning shaxsi tasdiqlangani aytilmoqda.
Isroil Bosh vaziri Binyamin Netanyaxu qotillikni muhim gʻalaba deb taʼrifladi, ammo Gʻazodagi urush davom etishini bildirdi. Isroil HAMAS tomonidan garovga olingani iddao qilinayotgan 101 kishini qutqarish ustida ishlamoqda.
Sinvarning oʻldirilishi Isroil uchun erishilgan asosiy maqsaddir, ammo harbiy amaliyotlar davom etishi kutilmoqda. Oxirgi haftalarda HAMASning boshqa yetakchilari ham nishonga olingan.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring