I MDH o‘yinlari: sambochi qizimiz Sabina Davlatovadan oltin medal!

17:47 07 Sentyabr 2021 Sport
626 0

Rossiya Federatsiyasining Qozon shahrida davom etayotgan I MDH o‘yinlarida hozirgina sambo bo‘yicha qizlar o‘rtasida -50 kg vazn toifasidagi bellashuvlar yakunlandi. Unda hamyurtimiz Sabina Davlatova barcha raqibalarini mag‘lub etgan holda oltin medalga sazovor bo‘ldi.

Finalda Sabina rossiyalik Yuliya Molchanovaga qarshi gilamga tushdi. Qiziqarli kechgan bahsda Davlatovaning qo‘li baland keldi va u O‘zbekiston terma jamoasi hisobiga navbatdagi oltin medalni qo‘shib qo‘ydi.

Ushbu vazn toifasida bronza medallarini qirg‘izistonlik Kanihay Amankulova hamda Belarus vakilasi Viktoriya Majuga qo‘lga kiritdi.

 

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?